Socialismu y derechos LGBT

Ente que los derechos LGBT son vistos nel mundu occidental modernu como un asuntu políticu de la izquierda, les minoríes sexuales y les distintes sexualidaes nun pertenecen como grupu a la izquierda o a la derecha política. Distintes corrientes socialista (d'igual forma que les distintes ideoloxíes polítiques de la derecha) tanto opunxéronse como sofitaron los derechos LGBT, de cutiu faciendo coincidir les sos actitúes colos valores mayoritarios de la sociedá. Al igual que con otros asuntos de la política sexual, como la pornografía, les actitúes frente a les minoríes sexuales suelen estremase ente autoritarios y llibertarios, más qu'ente dereches y izquierdes; tal como indicó'l sociólogu Jeffrey Weeks en 1989, la creencia de que la homosexualidá ye daqué que «tien de ser desacreditado ya impidíu» puede ser unu de los pocu puntos de mancomún ente Fidel Castro y Margaret Thatcher.^[1]

Sicasí, la izquierda radical y el movimientu LGBT interactuaron y enfrentáronse de forma especial desque dambos surdieron a finales del sieglu XIX n'Europa. La mayoría de los autores coinciden en qu'históricamente'l tratu de la homosexualidá per parte del movimientu socialista ye desigual. En particular, los estaos comunistes autoritarios opunxéronse con fuercia a los derechos LGBT y aprobaron delles lleis criminalizando les rellaciones homosexuales. Per otra parte, los activistes LGBT identifíquense davezu cola izquierda y un númberu de figures importantes dientro del socialismu (particularmente del socialismu llibertario) fueron lesbianes, gais o bisexuales.

1. ↑ Weeks, Jeffrey, 1989. Sexual politics, revista New Internationalist, n° 201; payares de 1989. testu en llinia Archiváu el 22 de mayu de 2010 na Wayback Machine.